4.
| 1 | Ad omnia tamen accipe responsum Salvatoris (Ioan. VIII, 3 et seq.). |
| 2 | Nam cum adulteram reperissent Iudaei, obtulerunt eam Salvatori, captantes ut si absolveret eam, videretur Legem solvere, qui dixerat: Non veni Legem solvere, sed adimplere (Matth. V, 17): si damnaret, videretur adversus finem venisse propositi sui. |
| 3 | Hoc igitur praevidens Dominus Iesus, inclinato capite, scribebat in terra. |
| 4 | Quid scribebat, nisi illud propheticum: Terra, terra, scribe hos viros abdicatos (Ierem. XXII, 29); quod de Iechonia descriptum est in Hieremia propheta? |